გარდაბანში ბიზნესმენის ავტომობილი დაწვეს

მომხდარ ფაქტზე დაწყებულია გამოძიება
Sputnik
თბილისი, 18 თებერვალი — Sputnik. გარდაბნის მულიციპალიტეტში ბიზნესმენ ალაზირ ირზაევის ავტომობილი დაწვეს, იუწყება ტელეკომპანია „TV პირველი".
ინცინტდენტი სოფელ მუღანლოში 18 თებერვლის 04:00 საათისთვის მოხდა - ავტომობილს ბენზინი ირზაევის საცხოვრებელი სახლის ეზოში გადაასხეს.
ტელეკომპანიამ გაავრცელა ვიდეოკადრებიც, სადაც ჩანს თუ როგორ უკიდებს ცეცხლს ავტომობილს უცნობი პირი.
ოპოზიციური ტელეარხის ცნობით, ბიზნესმენი ანაგრიშსწორებას რეკეტს უკავშირებს, თავდასხმის ორგანიზტორად კი კრიმინალურ ავტორიტეტ ელმურაზ მამედოვს ასახელებს, რომელიც ფულის გამოძალვის მიზნით მას მუდმივად ემუქრებოდა.
მომხდარზე გამოძიება სსკ-ის 187-ე და 181-ე მუხლით მიმდინარეობს, რაც თანხის გამოძალვას და ნივთის დაზიანებას ან განადგურებას გულისხმობს.