თბილისი, 1 თებერვალი – Sputnik. საქართველოში რუსული შოკოლადის იმპორტი 2024 წლის დეკემბერში ნოემბერთან შედარებით მეოთხედით გაიზარდა და წლის მაქსიმუმს მიაღწია, წერს „რია ნოვოსტი“ საქართველოს სტატისტიკის ეროვნულ სამსახურზე „საქსტატზე“ დაყრდნობით.
ამგვარად, დეკემბერში საქართველოში შოკოლადისა და კაკაოს შემცველი სხვა მზა პროდუქციის შესყიდვამ 4,3 მლნ დოლარი შეადგინა, რაც წინა თვესთან შედარებით 26%-ით მეტია. ეს მაჩვენებელი ყველაზე მაღალი იყო წინა დეკემბრის შემდეგ, როდესაც იმპორტის მოცულობამ 4,7 მლნ დოლარს მიაღწია.
მთლიანობაში, გასულ წელს საქართველოში რუსეთის ფედერაციიდან 29,9 მილიონი დოლარის ღირებულების კაკაოს პროდუქცია შემოვიდა. ამავდროულად, 2%-იანი წლიური ზრდის შედეგად 2022 წლიდან მაქსიმუმი იქნა მიღწეული.
2024 წელს თბილისმა მოსკოვიდან ყველაზე მეტი შოკოლადის პროდუქცია (კანფეტები, პასტები, კაკაოს სასმელები და ა.შ.) შემოიტანა – 23 მილიონი დოლარის.
ასევე შემოტანილია შოკოლადი და მსგავსი ტკბილეული შიგთავსით - 4,04 მლნ დოლარის ღირებულების, ხოლო შიგთავსის გარეშე - 2,8 მლნ დოლარის.
რუსეთმა გასულ წელს შოკოლადისა და სხვა კაკაოს შემცველი ტკბილეულის იმპორტში პირველი ადგილი დაიკავა.
საქართველოს მთავარი მომწოდებლების ხუთეულში ასევე მოხვდნენ უკრაინა (17,5 მილიონი დოლარი), თურქეთი (12,5 მილიონი დოლარი), პოლონეთი (8,04 მილიონი დოლარი) და ხორვატია (7,6 მილიონი დოლარი).