როგორ ჩატარდა აშშ-ის პრეზიდენტ დონალდ ტრამპის ინაუგურაცია

ეს დონალდ ტრამპისთვის მეორე ინაუგურაციაა. პრეზიდენტის პოსტი მას პირველად 2017-2021 წლებში ეკავა. ტრამპი გახდა მეორე პრეზიდენტი ქვეყნის ისტორიაში, რომელიც ოთხწლიანი პაუზის შემდეგ თეთრ სახლში დაბრუნდა. ტრამპმა საპრეზიდენტო ფიცი უზენაესი სასამართლოს თავმჯდომარე ჯონ რობერტსის წინაშე დადო. პრეზიდენტმა ფიცი ორ ბიბლიაზე - ერთი, რომელიც მას მემკვიდრეობით დედისგან ერგო და მეორე, რომელზეც ფიცი აბრაამ ლინკოლნმა 1861 წელს დადო. საინაუგურაციო ცერემონია აშშ-ის ყველა მსხვილმა ტელეარხმა გადასცა.

1 / 12

1. 2025 წლის 20 იანვარს დონალდ ტრამპი ოფიციალურად შეუდგა აშშ-ის 47-ე პრეზიდენტის უფლებამოსილების აღსრულებას.

2 / 12

1. ინაუგურაცია არა გარე სივრცეში, არამედ ვაშინგტონში კაპიტოლიუმის შენობაში გაიმართა.

3 / 12

1. უამინდობის გამო (-11C) ინაუგურაციის შიდა სივრცეში ჩატარების გადაწყვეტილება იქნა მიღებული.

4 / 12

1. ტრამპი ინაუგურაციაზე ჯო ბაიდენთან ერთად მივიდა. მანამდე, ჯო და ჯილ ბაიდენებმა დონალდ და მელანია ტრამპებს თეთრ სახლში ტრადიციულ ჩაის ცერემონიალზე უმასპინძლეს.

5 / 12

1. პირველად ფიცი ვიცე-პრეზიდენტმა ჯეი დი ვენსმა დადო. აშშ-ის ვიცე-პრეზიდენტი პრეზიდენტის მოვალეობებს ასრულებს მისი გარდაცვალების, გადადგომის ან თანამდებობიდან გადაყენების შემთხვევაში.

6 / 12

1. შემდეგ ფიცი თავად ტრამპმა დადო.

7 / 12

ტრამპის ინაუგურაციის ცერემონიას ესწრებოდნენ ყოფილი პრეზიდენტები: ბილ კლინტონი, ჯორჯ ბუში-უმცროსი, ბარაკ ობამა და ჯო ბაიდენი.

8 / 12

მელანია ტრამპი, როგორც ყოველთვის, ელეგანტური იყო. თუმცა, მისი ფართოფარფლიანი ქუდი საზოგადოებაში განხილვის თემა გახდა.

9 / 12

ხალხი რიგში დგას Capital One Arena-სთან, სადაც ინაუგურაციის ცერემონიის ონლაინ-ტრანსლაცია გაიმართა.

10 / 12

1. ქანთრის შემსრულებელმა ქერი ანდერვუდმა კაპიტოლიუმის როტონდაში ინაუგურაციის ცერემონიაზე იმღერა.

11 / 12

1. ვაშინგტონში, პრეზიდენტ დონალდ ტრამპის ინაუგურაციის დღეს ბევრი სუვენირი გაიყიდა.

12 / 12

1. ხალხი უყურებს დონალდ ტრამპის ინაუგურაციის ცერემონიის პირდაპირ ტრანსლაციას Capital One Arena-ზე.