თბილისი, 21 დეკემბერი — Sputnik. 2024 წლის მესამე კვარტალში მშპ-ის რეალურმა ზრდამ 2023 წლის ანალოგიურ პერიოდთან შედარებით 11% შეადგინა, ნათქვამია საქართველოს სტატისტიკის ეროვნული სამსახურის („საქსტატი“) მასალებში.
ადრე გავრცელებული ინფორმაციით, წინასწარი მონაცემების თანახმად, მესამე კვარტალში ეკონომიკურმა ზრდამ 11,1% შეადგინა.
დაზუსტებული მონაცემებით, არსებული ფასების პირობებში, 2024 წლის მესამე კვარტალში მშპ-მა 24,8 მლრდ ლარი შეადგინა, დეფლატორმა საანგარიშო პერიოდში 4,3% შეადგინა, ხოლო მშპ-მა ერთ სულ მოსახლეზე – 2,5 ათასი დოლარი.
ეკონომიკის წამყვანი დარგები
2024 წლის ივლის-სექტემბერში ყველაზე დიდი ზრდა განათლების, მშენებლობის, ასევე ინფორმაციისა და კომუნიკაციების სფეროებში შეიმჩნეოდა.
2024 წლის მესამე კვარტალში საქართველოს ეკონომიკის 5 წამყვანი სფერო
ეკონომიკის სფერო | ზრდა, % |
განათლება | 35,6 |
ინფორმაცია და კომუნიკაცია | 32,8 |
მშენებლობა | 30,9 |
ადმინისტრაციული საქმიანობა | 24,0 |
საფინანსო და სადაზღვევო საქმიანობა | 22,9 |
2024 წლის მესამე კვარტალში საქართველოს ეკონომიკის 5 წამყვანი სფერო
ვარდნა დაფიქსირდა გაზის, ელექტროენერგიის, ორთქლისა და კონდიცირების მიწოდებასა და უძრავ ქონებასთან დაკავშირებულ საქმიანობაში.
მშპ-ის სტრუქტურაში ყველაზე დიდი წილით გამოირჩევა ვაჭრობის, გადამამუშავებელი მრეწველობის, უძრავ ქონებასთან დაკავშირებული ოპერაციების სფეროები.
მშპ-ის სტრუქტურაში ყველაზე დიდი წილის მქონე 5 წამყვანი დარგი
ეკონომიკის სფერო | ზრდა, % |
ვაჭრობა | 15,4 |
გადამამუშავებელი მრეწველობა | 9,7 |
უძრავ ქონებასთან დაკავშირებული ოპერაციები | 9,3 |
მშენებლობა | 8,7 |
სასოფლო-სამეურნეო, სატყეო, სარეწაო საქმიანობა | 7,4 |