რამდენი ბინა გაიყიდა თბილისში - ნოემბრის მონაცემები

თბილისი, 19 დეკემბერი — Sputnik. 2024 წლის ნოემბერში თბილისში ბინის შეძენაზე მოთხოვნა 2023 წლის ოქტომბერთან შედარებით 11%-ით გაიზარდა - გაიყიდა 3,7 ათასი ბინა, ნათქვამია კომპანია Colliers Georgia-ის ბაზრის მიმოხილვაში.

მიმოხილვის თანახმად, საანგარიშო პერიოდში ბაზრის მოცულობა გაიზარდა 20%-ით და 264 მლნ დოლარი შეადგინა.

გარდა ამისა, ახალაშენებულ კორპუსებში გაყიდვები გაიზარდა 17%-ით, ძველი ბინების კი 7%-ით შემცირდა.

2024 წლის ნოემბერში თბილისში ახალაშენებული ბინების საშუალო შეწონილი გასაყიდი ფასი 10%-ით გაიზარდა გარეუბნებში, ქალაქის ცენტრში - 6%-ით, ხოლო ცენტრთან ახლოს - 5%-ით გაიზარდა.

ძველი ბინების საშუალო შეწონილი გასაყიდი ფასი კი 5%-ით გაიზარდა გარეუბანსა და 17%-ით - ქალაქის ცენტრში. ცენტრთან ახლოს კი 18%-იანი ზრდა დაფიქსირდა.