თბილისი, 17 დეკემბერი — Sputnik. საქართველოს კომერციულ ბანკებში ელექტრონული სისტემებით განხორციელებული ფულადი გზავნილების მოცულობა 2024 წლის იანვარი–ნოემბერში, წინა წლის ანალოგიური პერიოდის მაჩვენებელთან შედარებით, 19,4%-ით შემცირდა და 3.076,2 მლნ აშშ დოლარი შეადგინა, იუწყება საქართველოს ეროვნული ბანკი.
მიმდინარე წლის 11 თვის მონაცემებით, ფულადი გზავნილების მოცულობით რუსეთი ლიდერობს.
ფულადი გადმორიცხვების სტატისტიკა: 2024 წლის იანვარი–ნოემბერი
ქვეყანა | მოცულობა, მლნ დოლარი | ზრდა, % |
რუსეთი | 516,9 | -64,4 |
აშშ | 515,8 | 28,7 |
იტალია | 514,9 | 9,8 |
გერმანია | 243,8 | 16,8 |
საბერძნეთი | 238,8 | 13,7 |
ეროვნული ბანკის ინფორმაციით, საანგარიშო პერიოდში რუსეთიდან საქართველოში გადმორიცხული თანხის მოცულობამ დაახლოებით 516,9 მილიონი დოლარი შეადგინა. ეს ქართულ კომერციულ ბანკებში ელექტრონული სისტემებით ფულადი გადარიცხვების 16,8%-ია.
ნოემბერში ფულადი გზავნილების მოცულობით რუსეთი ქვეყნების სამეულში შედის.
ქართულ კომერციულ ბანკებში ელექტრონული სისტემებით ფულადი გადმორიცხვები 2024 წლის ნოემბერში 9,6%-ით შემცირდა გასული წლის ანალოგიურ პერიოდთან შედარებით და 266,8 მლნ დოლარი შეადგინა.
ფულადი გზავნილების მოცულობით რუსეთი მესამე ადგილზეა და პირველობას იტალიას და აშშ-ს უთმობს.
ფულადი გადმორიცხვების სტატისტიკა საქართველოში – 2024 წლის ნოემბერი
ქვეყანა | მოცულობა, მლნ დოლარი | ზრდა, % |
აშშ | 50,1 | 21,6 |
იტალია | 45,2 | 4,4 |
რუსეთი | 29,8 | -60,6 |
გერმანია | 23,8 | 15,1 |
საბერძნეთი | 21,5 | 5,4 |
ნოემბერში რუსეთიდან 29,8 მლნ დოლარი გადმოირიცხა – გზავნილების მთლიანი მოცულობის 11,2%, რაც გასული წლის ანალოგიურ პერიოდთან შედარებით 60,6%-ით ნაკლებია.
რამდენი გაიგზავნა საქართველოდან უცხოეთში
ნოემბერში საქართველოდან საზღვარგარეთ 33,3 მლნ დოლარი გადაიგზავნა, რაც 2023 წლის ანალოგიურ პერიოდთან შედარებით 5,7%-ით მეტია.
2024 წლის 11 თვეში საქართველოდან უცხოეთში 343,2 მლნ დოლარი გადაიგზავნა, რაც 2023 წლის ანალოგიურ პერიოდთან შედარებით 6,6%-ით მეტია.