თბილისი, 12 ნოემბერი - Sputnik. თბილისში ახალი წლისთვის მზადება დაიწყო – ქალაქის ქუჩებში საახალწლო ილუმინაციები გაჩნდა. ამის შესახებ ინფორმაციას თბილისის მერია ავრცელებს.
თბილსერვის ჯგუფმა" დედაქალაქის სხვადასხვა რაიონში საახალწლო ილუმინაციები უკვე დაამონტაჟა - ამ ეტაპზე მანათობელი ბაგირები ჭავჭავაძის გამზირზე მონტაჟდება.
უწყების ცნობით, ილუმინაციები და კონსტრუქციები საერთო ჯამში დედაქალაქის 90-მდე ქუჩასა და 30-მდე სკვერში მოეწყობა.
საახალწლო განათებების მონტაჟი ნოემბრის დასაწყისიდან იწყება და დეკემბრის შუა რიცხვებში სრულდება. ტრადიციულად, მთავარ ნაძვის ხესა და ილუმინაციებს საზეიმო ვითარებაში დეკემბრის ბოლოს ანთებენ.