თბილისი, 4 ნოემბერი – Sputnik. ბათუმის ერთ-ერთ საცხოვრებელ კორპუსში ლიფტი ჩავარდა, რის შედეგადაც დაშავებულია ოთხი ადამიანი, იუწყება ტელეკომპანია „რუსთავი 2“.
შემთხვევა ფარნავაზ მეფისა და ლერმონტოვის ქუჩების კვეთაზე მდებარე კორპუსში მოხდა - თვითმხილველების თქმით, ლიფტი ახალაშენებული კორპუსის მეხუთე სართულიდან ავარიულად დაეშვა.
შემთხვევის ადგილზე შინაგან საქმეთა სამინისტროს თანამშრომლები, სამაშველო სამსახურის და სასწრაფო დახმარების ჯგუფები არიან მობილიზებული.
ამ დროისთვის დაშავებულები კლინიკაში არიან გადაყვანილი. ექიმების თქმით, დაშავებულები კონტაქტურები არიან.