თბილისი, 1 ნოემბერი — Sputnik. საქართველოს 2024 წლის მესამე კვარტალში 2,8 მილიონი ვიზიტორი ეწვია, რაც 2023 წლის ანალოგიურ პერიოდთან შედარებით 2,5%-ით მეტია, ნათქვამია სტატისტიკის ეროვნული სამსახურის „საქსტატის" განცხადებაში.
15 წელს ზემოთ პირთა ვიზიტების რიცხვმა 2,4 მლნ შეადგინა, რაც 2023 წლის მესამე კვარტლის მონაცემზე 2,5%-ით მეტია. ტურისტული ვიზიტების რიცხვმა 1,9 მილიონი შეადგინა, რაც გასული წლის ივლის-სექტემბრის მონაცემებზე 8,3%-ით მეტია.
საქართველოში ვიზიტების ძირითადი მიზნები იყო დასვენება და გართობა.
ვიზიტორთა უმეტესობა რუსეთიდან იყო - 496 ათასი, რაც ვიზიტორთა საერთო რაოდენობის 24,6%-ს შეადგენს. მას მოსდევს თურქეთი (17,4%) და სომხეთი (13,1%).
უცხოელების საქართველოში ჩამოსვლის მიზანი 2024 წლის ივლის-სექტემბერი
ჩამოსვლის მიზანი | ვიზიტების რიცხვი, ათასი | საერთო9 რაოდენობის წილი,% |
დასვენება და გართობა | 1 395,1 | 59,2 |
ნათესავების მონახულება | 448,5 | 19 |
ტრანზიტი სხვა ქვეყნებში | 307,6 | 13,1 |
სამუშაო | 90 | 3,8 |
შოპინგი | 75,5 | 3,2 |
სხვა | 39 | 1,7 |
ყველაზე მეტი ტურისტი მესამე კვარტალში ეწვია აჭარასა და თბილისს. უცხოელები საქართველოში საშუალოდ 6,2 ღამეს ატარებდნენ.
უცხოელებმა რუსეთიდან 583,5 ათასი ვიზიტი განახორციელეს, თურქეთიდან – 436,3 ათასი, სომხეთიდან – 344,6 ათასი ვიზიტი.
„საქსტატის“ მონაცემებით, უცხოელებმა საქართველოში დაახლოებით 5,7 მილიარდი ლარი დახარჯეს, რაც 18,1%–ით მეტია, ვიდრე 2023 წლის საანგარიშო პერიოდში. თუმცა, ხარჯები ერთ ვიზიტზე 15,2%–ით გაიზარდა და 2.426,6 ლარი შეადგინა.