პიროვნული თვისებების გამომჟღავნება არის ის, რასაც ადამიანები თითქმის ყოველდღიურად ცდილობენ. შემოთავაზებული ვიზუალური ტესტი დაგეხმარებათ გაარკვიოთ, თუ რა არის თქვენი ყველაზე მნიშვნელოვანი მახასიათებელი და რა მდგომარეობაში ხართ დღეს.
ამისათვის შეხედეთ ნახატს რამდენიმე წამით და თქვით, რომელი ცხოველი ან მცენარე გეცათ თვალში. ამ ვიზუალურ ტესტში საინტერესო ისაა, რომ ნახატზე ბევრი ცხოველია გამოსახული, მაგრამ ერთ-ერთი მათგანი აუცილებლად უფრო მეტად მიიპყრობს თქვენს ყურადღებას.
ვიზუალურ-ფსიქოლოგიური ტესტი
რა რას ნიშნავს
ხეები
სავარაუდოდ, რთული პერიოდი გაქვთ, ანუ ისეთ სიტუაციაში ხართ, რომელთან გამკლავებაც გიჭირთ. თქვენი დარდის, შფოთვისა და მღელვარების დონე აწეულია. იცით, რომ მნიშვნელოვანი გადაწყვეტილების მიღების წინ დგახართ და გეშინიათ იმისა, რაც შეიძლება მოხდეს.
შეინარჩუნეთ სიმშვიდე. შეეცადეთ შეხედოთ ვითარებას სხვა კუთხიდან და არ შეაფასოთ თქვენი გადაწყვეტილების შესაძლო უარყოფითი მხარეები გადაჭარბებულად.
ლომები
სტრესს ჰყავხართ შეპყრობილი. ირგვლივ მყოფების ქცევა გაიძულებთ, თავი „დანგრეულად“ იგრძნოთ. მიგაჩნიათ, რომ შესაძლებლობების ზღვარზე ხართ და ყველაფრისგან გაქცევა გსურთ. ამ მომენტში თქვენი ერთადერთი სურვილი სიმშვიდეა.
თქვენ უნდა ისწავლოთ პასუხისმგებლობის სხვებზე გადანაწილება; ეცადოთ მოიპოვოთ სულიერი სიმშვიდე, დაუთმოთ დრო საკუთარ თავს და დატკბეთ იმით, რაც გიყვართ.
პანტერა
ემოციურად გადატვირთული ხართ. გრძნობთ, რომ ერთ ადგილს ტკეპნით და დაძვრას ვერ ახერხებთ. ეძებთ ახალ მოტივაციებს, რათა თავი სადღაც „გაჭედილად“ არ იგრძნოთ.
გირჩევთ ჩამოწეროთ ყველაფერი, ვინ გინდოდათ გამოსულიყავით და რის გაკეთება გსურთ ცხოვრებაში. ნუ შეიზღუდავთ თავს მორალური, ფინანსური თუ ასაკობრივი ასპექტებით: უბრალოდ, ჩამოწერეთ ყველაფერი.
ჟირაფები
გიჭირთ გრძნობებისა და აზრების გამოხატვა. საერთოდ იზოლირდებით ყველასგან. არ იცით სხვების მოსმენა, როდესაც ისინი რაიმეს გირჩევენ. ფრთხილად იყავით! რადგან ასეთი ემოციური ჩაკეტილობა შესაძლოა დეპრესიის მიზეზი გახდეს.
გირჩევთ ხშირად შეხვდეთ საყვარელ ადამიანებს, გახვიდეთ ქუჩაში, გაიცნოთ ახალი ხალხი და გააკეთოთ ის, რაც მოგწონთ და გსიამოვნებთ.