თბილისი, 17 სექტემბერი — Sputnik. 2024 წლის მეორე კვარტალში საქმიანობის სახეობების მიხედვით მამაკაცების საშუალო ნომინალური ხელფასის ოდენობამ ქალების ხელფასს გადააჭარბა - ისინი საშუალოდ 823 ლარით მეტს იღებენ, ნათქვამია საქართველოს სტატისტიკის ეროვნული სამსახურის „საქსტატის“ მასალებში.
2024 წლის აპრილ-ივნისში ქალების საშუალო ნომინალური ხელფასი გაიზარდა 153,1 ლარით და 1.590,2 ლარი შეადგინა, მამაკაცების საშუალო ნომინალური ხელფასი კი გაიზარდა 251,8 ლარით და 2.413,5 ლარი შეადგინა.
2024 წლის პირველ კვარტალში მამაკაცების საშუალო ნომინალურმა ხელფასმა 2.343,2 ლარი შეადგინა, ხოლო ქალების - 1.540 ლარი.
ყველაზე მაღალი საშუალო თვიური ხელფასი 2024 წლის მეორე კვარტალში საქმიანობის ტიპის მიხედვით:
ინფორმაცია და კომუნიკაცია– 3.963,0 ლარი(წლიური ზრდა 4,3%);
საფინანსო და სადაზღვევო საქმიანობა – 3.642,3 ლარი (+14,5%);
მშენებლობა – 2 946,1 ლარი (+13,7%);
სამეცნიერო და ტექნიკური საქმიანობა– 2.872,8 ლარი (+13,8%).