თბილისი, 14 სექტემბერი – Sputnik. 2024 წლის 6 თვეში საქართველოში მოსახლეობის უარყოფითი მატება დაფიქსირდა - სიკვდილიანობამ შობადობას გადააჭარბა, ნათქვამია სტატისტიკის ეროვნული სამსახურის ვებ-გვერდზე.
„საქსტატის“ ინფორმაციით, საქართველოში მოსახლეობის უარყოფითი მატება 2020 წლიდან ფიქსირდება.
„საქსტატის“ მონაცემებით, 2024 წლის იანვარ-ივლისში საქართველოში დაახლოებით 18,6 ათასი ბავშვი დაიბადა, გარდაცვლილთა რაოდენობამ კი 22,3 ათასს მიაღწია.
მოსახლეობის უარყოფითი მატება კვლავაც ფიქსირდება საქართველოს ყველა რეგიონში, აჭარისა და თბილისის გარდა.
ყველაზე დიდი სხვაობა სიკვდილიანობასა და შობადობას შორის იმერეთის რეგიონში დაფიქსირდა, სადაც მოსახლეობის უარყოფითმა მატებამ 1,5 ათასი შეადგინა. მას მოსდევს სამეგრელო-ზემო სვანეთის რეგიონი (1,1 ათასი) და კახეთის რეგიონი (628).
აჭარაში მოსახლეობის ზრდა 621 იყო, თბილისში - 457.