გარემოს ეროვნული სააგენტო მოსახლეობას აფრთხილებს

თბილისი, 4 სექტემბერი – Sputnik. საქართველოში 4-6 სექტემბერს დროგამოშვებით წვიმა, სეტყვა და ქარია მოსალოდნელი, იუწყება გარემოს ეროვნული სააგენტო.

კერძოდ, სინოპტიკოსების პროგნოზით, 4 სექტემბერს, დღის ბოლოდან 6 სექტემბრის დღის ბოლომდე საქართველოში მოსალოდნელია დროგამოშვებით წვიმა, ზოგან – ძლიერი, შესაძლებელია ელჭექი, სეტყვა და ქარის გაძლიერება, ზღვაზე 3-4-ბალიანი შტორმი.

მოსალოდნელმა ნალექმა საქართველოს პატარა მდინარეებზე, შესაძლებელია, წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს.