უმეტესად რა დაავადებები იწვევს სიკვდილს საქართველოში - ახალი მონაცემები

თბილისი, 28 ივნისი — Sputnik. საქართველოში 2023 წელს დაღუპულთა რიცხვი 2022 წელთან შედარებით 13%-ით შემცირდა და 42.756 ადამიანი შეადგინა, აღნიშნულია სტატისტიკის ეროვნული სამსახურის „საქსტატის" მასალებში.

2022 წელს საქართველოში 49.118 ადამიანი გარდაიცვალა.

გარდაცვალების ძირითადი მიზეზი, ისევე, როგორც გასულ წლებში, არის სისხლის მიმოქცევის სისტემასთან დაკავშირებული (40%) და სიმსივნური (11,6%) დაავადებები.

„საქსტატის" მონაცემებით, სიკვდილის ძირითადი მიზეზი ხუთ წლამდე ბავშვებში პერინატალურ პერიოდში აღმოჩენილი დარღვევებია.

5-დან 39 წლამდე ასაკში დომინირებს ტრავმები, მოწამვლა და გარე ზემოქმედების სხვადასხვა შედეგი, რადგან ამ ასაკობრივი კატეგორიის პირებს შორის უბედური შემთხვევების ალბათობა უფრო მაღალია.

40 წელს ზემოთ ჭარბობს სისხლის მიმოქცევის სისტემისა და სიმსივნური დაავადებები.

გარდაცვლილთა შორის 22.192 მამაკაცი და 20.564 ქალია.

გარდაცვალების ყველაზე მეტი შემთხვევა დაფიქსირდა თბილისში - 12.229, იმერეთში - 7.008 და ქვემო ქართლში - 4.159. სიკვდილიანობის ყველაზე დაბალი მაჩვენებელი რაჭა-ლეჩხუმი და ქვემო სვანეთში - 580.