ევროპის ჩემპიონატზე გატანილი თავისი ქვეყნის საწყისი ორი გოლი: მიქაუტაძე მსოფლიოში მეექვსეა

თბილისი, 23 ივნისი — Sputnik. საქართველოს ფეხბურთის ნაკრებმაევროპის ჩემპიონატზე პირველი ისტორიული ქულა ჩეხეთთან მატჩში მოიპოვა.

22 ივნისს საქართველოს ფეხბურთის ეროვნულმა ნაკრებმა ევროპის ჩემპიონატზე ჯგუფური ეტაპის მეორე მატჩი ჰამბურგში ჩეხეთის ნაკრებთან გამართა და ფრე ანგარიშით 1:1 დაასრულა.

მატჩის პირველ ტაიმში ჩეხეთის ნაკრები კარი გიორგი მიქაუტაძემ აიღო - ფეხბურთელმა გოლი 45-ე წუთზე 11-მეტრიანით გაიტანა და ეროვნულ ნაკრებს ჩემპიონატზე პირველი ქულა მოუტანა - ფეხბურთელისთვის ეს ევრო 2024-ზე გატანილი მეორე გოლია. პირველი გოლი მან 18 ივნისს თურქეთთან მატჩში გაიტანა.

მიმდინარე ევროპის ჩემპიონატის რეკორდი ისტორიულ თამაშში გიორგი მამარდაშვილმა დაამყარა - ქართველი მეკარის სახელზე 11 სეივია. მამარდაშვილი მატჩის საუკეთესო ფეხბურთელად დასახელდა.

ჩეხეთის შემდეგ, საქართველოს ნაკრები 26 ივნისს გელზენკირხენში, პორტუგალიის ეროვნულ ნაკრებს დაუპირისპირდება. მატჩი თბილისის დროით 23:00 საათზე დაიწყება.

ევროპის ჩემპიონატი წელს გერმანიის ათ ქალაქში 14 ივნისიდან 14 ივლისის პერიოდში ტარდება - საქართველოს გუნდი F ჯგუფში თურქეთის, პორტუგალიისა და ჩეხეთის ნაკრებებთან ერთად მოხვდა.

ევროპის საკვალიფიკაციო ერთა ლიგის პლეი-ოფის ფინალში საბერძნეთის ნაკრებთან პენალტების სერიაში გამარჯვების წყალობით (4:2) საქართველოს ნაკრებმა ევროპის საფეხბურთო ჩემპიონატის საგზური მოიპოვა - ისტორიული მატჩი 26 მარტს შედგა.