თბილისი, 13 ივნისი — Sputnik. მიხეილ თამარაშვილის გამზირისა და ჭაბუა ამირეჯიბის გზატკეცილის კვეთაზე დაგეგმილი სამუშაოების გამო, 15 ივნისისდან ავტომობილების მოძრაობა დროებით შეიზღუდება, იუწყება დედაქალაქის მერია.
„მიხეილ თამარაშვილის გამზირისა და ჭაბუა ამირეჯიბის გზატკეცილის გადაკვეთაზე პანდუსების მოწყობა იწყება, რის გამოც, 15 ივნისის :00 საათიდან, სამი თვის განმავლობაში, საავტომობილო მოძრაობა შეიზღუდება“, -აღნიშნულია განცხადებაში
უწყების ცნობით, სამუშაოების მიმდინარეობის პროცესში, მოძრაობა სრულად აიკრძალება ჭაბუა ამირეჯიბისა და ქაქუცა ჩოლოყაშვილის გზატკეცილების კვეთაზე არსებული გვირაბიდან თამარაშვილის გამზირამდე, ორივე მიმართულებით. ტერიტორიაზე გადაადგილება შეეძლება მხოლოდ ლეოპოლდ ბილფელდის ქუჩაზე მცხოვრებ მოსახლეობას და ამავე ქუჩაზე მოძრავ N464 მიკროავტობუსს. ასევე, ჩაკეტილ მონაკვეთზე გადაადგილებას შეძლებენ საჯარიმო სადგომზე და „სასწრაფო დახმარების" ობიექტამდე მიმავალი სატრანსპორტო საშუალებები.
შეზღუდვის პერიოდში, თამარაშვილის გამზირიდან გმირთა მოედნის მიმართულებით ავტომობილები მოძრაობას შეძლებენ ჩოლოყაშვილის გზატკეცილისა და არსებული გვირაბის გამოყენებით.
საპირისპირო მიმართულებით, გმირთა მოედნის მხრიდან თამარაშვილის გამზირისკენ მიმავალი ავტომობილები კი იმოძრავებენ იმავე მარშრუტით - გვირაბისა და ჩოლოყაშვილის გზატკეცილის გამოყენებით.
თბილისის მერია ბოდიშს უხდის მოსახლეობას შექმნილი დისკომფორტისთვის.