თბილისი, 6 მარტი — Sputnik. როგორც კი ქართველი ან უცხოელი პოლიტიკოსი, ქართული თუ უცხოური მედია საქართველოს სანქციების გვერდის ავლას დააბრალებს, იცოდეთ, რომ ეს ტრყულია, განაცხადა პარლამენტის თავმჯდომარე შალვა პაპუაშვილმა.
საქართველოს ხელისუფლებამ უარი თქვა რუსეთის წინააღმდეგ სანქციების შემოღებაზე და განაცხადა, რომ ამით მხოლოდ საქართველო დაზარალდებოდა. ამავდროულად, საქართველო ასრულებს საერთაშორისო სანქციებს და უკრაინას პოლიტიკურ და ჰუმანიტარულ მხარდაჭერას უწევს.
„როგორც კი ვინმე, ქართველი ან უცხოელი პოლიტიკოსი, ქართული ან უცხოური მედია საქართველოს დააბრალებს სანქციების გვერდის ავლას, ეს არის ტყუილი. ეს უკვე იქცა წესად. კითხვები უნდა დავუსვათ მათ, ვინც შეიძლება რაღაცებს აბრალებდეს საქართველოს“, - განაცხადა პაპუაშვილმა.
მისი თქმით, უკვე ორი წელია ოპოზიცია, მათ შორის უცხოეთიდან დაფინანსებული ისეთი პარტიები, როგორიცაა „დროა", საქართველოს აბრალებს ტყუილს, რომ სანქციები აირიდა „ევროპის დემოკრატიის ფონდიდან" მიღებული თანხებით.
ოპოზიცია მრავალი თვის განმავლობაში ადანაშაულებდა ხელისუფლებას, თითქოს ის რუსეთს სანქციების გვერდის ავლაში ეხმარებოდა, თუმცა ევროკავშირის, აშშ-სა და დიდი ბრიტანეთის კოორდინატორებმა სანქციების საკითხებში 2023 წლის ივნისში საქართველოში ვიზიტის შემდეგ დადებითად შეაფასეს ქვეყნის ხელისუფლების მიერ გაწეული სამუშაო.
საქართველოს ხელისუფლება სისტემატურად აცხადებს, რომ ქვეყანა იცავს საერთაშორისო ანტირუსულ სანქციებს, რომლებიც დაკავშირებულია ფინანსებთან და საზღვარზე საქონლის გადაადგილებასთან.
ფინანსთა სამინისტროს ოფიციალური მონაცემებით, 2023 წელს მიღებული იქნა 1.780 საბაჟო გადაწყვეტილება საბაჟო გამშვები პუნქტებიდან სანქცირებული საქონლის უკან დაბრუნების თაობაზე, ხოლო გაფორმების ეკონომიკურ ზონებში საქონლის ექსპორტისა ან რეექსპორტის დროს 1 ათასზე მეტ შემთხვევაში განაცხადის შემტან სუბიექტს უარი ეთქვა.