თბილისი, 2 მარტი — Sputnik. შვეიცარიაში ნიკო ფიროსმანის საგამოფენო სივრცეს 19 კვირის განმავლობაში ადგილობრივი და მსოფლიოს სხვადასხვა ქვეყნიდან ჩასული 85 ათასზე მეტი დამთვალიერებელი ეწვია, ნათქვამია ოფიციალური სამადლობელი წერილში, რომელიც საქართველოს კულტურისა სპორტის სამინისტრომ ბეილერის ფონდისგან მიიღო.
2023-2024 წლებში ფიროსმანის ნამუშევრები საერთაშორისო მნიშვნელობის ოთხ საგამოფენო ცენტრში გამოიფინა. პირველი პერსონალური გამოფენა დანიაში, ლუიზიანას თანამედროვე ხელოვნების მუზეუმში გაიმართა. ამის შემდეგ ექსპოზიციამ გადაინაცვლა შვეიცარიაში, ბეილერის ფონდში.
ნიკო ფიროსმანის ნამუშევრების გამოფენა შვეიცარიაში
© Courtesy of Ministry of Culture and Sports of Georgia
ბეილერის ფონდმა გამოფენის კარგი ორგანიზებისთვის მადლობა გადაიხადა და აღნიშნა, რომ ექსპოზიციას ესტუმრა ქართული დიასპორის ბევრი წარმომადგენელი. აღნიშნულია, რომ გამოფენის შესახებ დადებითი გამოხმაურებები დატოვეს ცნობილმა საინფორმაციო საშუალებმა, მათ შორის არიან Financial Times, Frankfurter Allgemeine Zeitung, Le Monde და Neue Zürcher Zeitung.
ნიკო ფიროსმანის ნამუშევრების გამოფენა შვეიცარიაში
© Courtesy of Ministry of Culture and Sports of Georgia
„მნიშვნელოვანია, რომ ეს არის პირველი და ისტორიული შემთხვევა, როდესაც ევროპაში ფიროსმანის შემოქმედება ასე მასშტაბურად წარმოჩნდა. დანიასა, და შვეიცარიაში ფიროსმანის 48 ნამუშევარი იყო წარმოდგენილი, რომელთაგან 47 ნახატი შალვა ამირანაშვილის სახელობის ხელოვნების სახელმწიფო მუზეუმის ახალი და თანამედროვე ქართული ხელოვნების ფონდს ეკუთვნის, ხოლო ერთი ნახატი შეირჩა მირზაანის ნიკო ფიროსმანაშვილის სახელმწიფო მუზეუმიდან“, - ნათქვამია კულტურის სამინისტროს განცხადებაში.
Выставка работ Нико Пиросмани в Швейцарии
© Courtesy of Ministry of Culture and Sports of Georgia
თითქმის ერთი წლის შემდეგ ნიკო ფიროსმანის 50-ამდე ნამუშევარი საქართველოში უვნებლად დაბრუნდა, აღნიშნეს უწყებაში.
Выставка работ Нико Пиросмани в Швейцарии
© Courtesy of Ministry of Culture and Sports of Georgia
ნიკო ფიროსმანი (1862-1918) XX საუკუნის უდიდესი ქართველი მხატვარია. იგი სიღარიბეში ცხოვრობდა და სიღარიბეშივე გარდაიცვალა. გარდაცვალების შემდეგ კი მსოფლიომ აღიარა როგორც უდიდესი მხატვარი. მხატვრის სურათების უმრავლესობა, 146 ტილო დაცულია თბილისში, საქართველოს ხელოვნების სახელმწიფო მუზეუმში.