9 თებერვლიდან პოლონელმა ფერმერებმა მასობრივი საპროტესტო აქციები დაიწყეს. ფერმერები რამდენიმე კვირის განმავლობაში ბლოკავდნენ უკრაინული სატვირთო მანქანების შესვლას ქვეყანაში.
პოლონეთ-უკრაინის ურთიერთობები საგრძნობლად გართულდა უკრაინულ მარცვლეულზე ემბარგოს გამო. სექტემბერში ევროკომისიამ გადაწყვიტა, არ გაეგრძელებინა შეზღუდვები უკრაინული სასოფლო-სამეურნეო პროდუქციის ოთხი სახეობის იმპორტზე ევროკავშირის რამდენიმე სასაზღვრო ქვეყანაში, მაგრამ კიევს ექსპორტზე კონტროლის ზომების დანერგვა დაავალა.
სლოვაკეთის, უნგრეთის და პოლონეთის ხელისუფლებებმა განაცხადეს, რომ ცალმხრივად გაახანგრძლივებდნენ აკრძალვას. მას შემდეგ რაც კიევმა ამის შესახებ საჩივარი შეიტანა მსოფლიო სავაჭრო ორგანიზაციაში, ბრატისლავამ, ბუდაპეშტმა და ვარშავამ განაცხადეს, რომ ბოიკოტს გამოუცხადებდნენ უკრაინული მარცვლეულის საკითხებზე საკოორდინაციო პლატფორმის შეხვედრებს.