საიდან შემოდის საქართველოში ხორცი - ბოლო მონაცემები

თბილისი, 24 თებერვალი — Sputnik. 2023 წელს საქართველომ საზღვარგარეთიდან 27,5 მილიონი დოლარის ღირებულების 6,9 ათასი ტონა საქონლის ხორცი და 62,5 მილიონი დოლარის ღირებულების 26,2 ტონა ღორის ხორცი შემოიტანა, ნათქვამია საგარეო სავაჭრო პორტალზე გამოქვეყნებულ ინფორმაციაში.

ხორცის იმპორტის ძირითადი ნაწილი გაყინული ხორცია, მაგრამ საქართველოში შემოდის ახალი გაცივებული ხორციც.

საქართველოში ძროხის გაყინული ხორცის მიწოდების კუთხით ლიდერი ბრაზილიაა, საიდანაც 2023 წელს 6,8 მილიონი დოლარის ღირებულების 2,7 ათასი ტონა შემოიტანეს, მეორე ადგილზეა ლიეტუვა, რომელიც საქართველოს 7,5 მილიონი აშშ დოლარის 1,1 ათასი ტონა ხორცი მიაწოდა, მესამეზე კი უკრაინაა - 4 მილიონი დოლარის ღირებულების 1,2 ათასი ტონა ხორცი.

რაც შეეხება საქონლის გაყინულ ხორცს, პირველ ადგილზეა რუსეთი, რომელმაც საქართველოში 2,9 მილიონი დოლარის ღირებულების 768 ტონა ხორცი შემოიტანა, მეორე ადგილზეა ნიდერლანდები (1,8 მილიონი დოლარი, 229 ტონა), მესამეზე კი უკრაინაა, რომელიც ქვეყანაში 228 ტონა ახალი ან ახალი გაცივებული საქონლის ხორცი შემოიტანა.

რაც შეეხება ღორის გაყინული ხორცის იმპორტს, აქაც ლიდერობს ბრაზილია, რომელმაც საქართველოს 54,3 მილიონი დოლარის ღირებულების 22,4 ათასი ტონა ღორის ხორცი მიაწოდა. მეორე ადგილზეა კანადა, საიდანაც 4,1 მილიონი დოლარის ღირებულების 1,8 ათასი ტონა ღორის ხორცი შემოვიდა, მესამეზე კი პარაგვაია, საიდანაც საქართველოში 1,3 მილიონი დოლარის ღირებულების 739 ტონა ხორცი შემოიტანეს.