თბილისი, 22 თებერვალი — Sputnik. პარლამენტის თავმჯდომარე შალვა პაპუაშვილმა კანონმდებლების წინაშე წლიური ანგარიშით სიტყვით გამოსვლისას ოპოზიციას ქვეყნის წარმატებისთვის გეოპოლიტიკური გამოწვევების დაძაძლევად ერთობლივი მუშაობისკენ მოუწოდა.
საქართველოს ხელისუფლება, რთული გეოპოლიტიკური ვითარების გათვალისწინებით, სისტემატურად აკეთებს განცხადებას ქვეყნის მშვიდობის, სტაბილურობისა და ეკონომიკური განვითარების შენარჩუნების აუცილებლობაზე არა მხოლოდ რეგიონში, არამედ მსოფლიოში.
„მინდა მოგმართოთ თანამშრომლობის შესახებ წინადადებით. საქართველი ჩვენი საერთო ქვეყანაა. მიუხედავად იმისა, რომ ხალხი მხარს უჭერს „ქართულ ოცნებას", ეს არ ნიშნავს, რომ ჩვენი გამარჯვება მარტო „ქართული ოცნების" გამარჯვება იქნება. ამიტომაც მოგმართავთ: გავერთიანდეთ, რათა მიმდინარე წელი იყოს არა რადიკალიზაციისა და კონფრონტაციის, არამედ დემოკრატიული საპარლამენტო არჩევნების, გეოპოლიტიკური გამოწვევების დაძლევის, ქვეყნის გაერთიანებისა და ევროკავშირთან დაახლოების წელი", - განაცხადა პაპუაშვილმა.
მისი სიტყვებით, სწორედ ეს არის ქვეყნის მოსახლეობის მთავარი ინტერესი.
საპარლამენტო არჩევნები 2024
საპარლამენტო არჩევნები საქართველოში 2024 წელს გაიმართება. ეს იქნება პირველი არჩევნები, რომელიც ჩატარდება ახალი ტექნოლოგიებით, მთლიანად პროპორციული სისტემით და განსაზღვრავს რომელი პარტია ჩამოაყალიბებს მთავრობას მომდევნო ოთხი წლის განმავლობაში.
ამჟამად ოპოზიციურ სპექტრში არჩევნების წინ ძალთა გადანაწილება მიმდინარეობს, პოლიტიკოსები ახალი პოლიტიკური ძალებისა და კოალიციების შექმნაზე აქტიურ დიალოგს აწარმოებენ.
2012 წლიდან ხელისუფლება მილიარდერ ბიძინა ივანიშვილის მიერ დაარსებული პოლიტიკური ძალის ხელშია - თავიდან ეს იყო კოალიცია „ქართული ოცნება“, ხოლო 2016 წლიდან, როცა კოალიცია დაიშალა, ყველა არჩევნები მოიგო ერთმა პარტიამ – „ქართულმა ოცნებამ – დემოკრატიულმა“. საქართველოს.