ვლადიმირ პუტინმა ამერიკელ ჟურნალისტ ტაკერ კარლსონს ინტერვიუ მისცა - ფოტო

ინტერვიუს ჩატარების განზრახვა ჟურნალისტმა იმით ახსნა, რომ რიგითმა ამერიკელებმა არ იციან, რა ხდება რუსეთსა და უკრაინაში.

პრესმდივანმა დმიტრი პესკოვმა თქვა, რომ პუტინი ტაკერ კარლსონთან საუბარს დათანხმდა, რადგან მიმომხილველის პოზიცია დანარჩენებისგან განსხვავდება, ის „არანაირად არ არის პრორუსული და არც პროუკრაინული. ის უფრო პროამერიკულია“.

საუბარი ორ საათზე მეტხანს გაგრძელდა. ამ დროის განმავლობაში რუსეთის სახელმწიფოს მეთაურმა დაახლოებით 60 კითხვას უპასუხა.

ჟურნალისტის საიტზე გამოქვეყნებლი ყველა ინტერვიუდან ეს ყველაზე გრძელი იყო.

უკრაინის გარდა, განიხილებოდა „ჩრდილოეთის ნაკადებისა“ და აშშ-ჩინეთის ურთიერთობების თემები.

სოციალურ ქსელ X-ზე უკვე 60 მილიონზე მეტმა ადამიანმა ნახა ინტერვიუ.

ხოლო მის შესახებ პოსტების რაოდენობამ 1,3 მილიონს გადააჭარბა.

გარდა ამისა, ინტერვიუმ მესამე ადგილზე აიწია YouTube-ის ტრენდებში.