თბილისი, 29 იანვარი – Sputnik. თბილისის გარეუბანში, აფრიკის დასახლებაში, პლასტმასის ქარხნის საწყობში გაჩენილი ხანძარი ლიკვიდირებულია, იუწყება საგანგებო სიტუაციების მართვის სამსახური.
„უწყვეტი მუშაობის შედეგად, მეხანძრე-მაშველებმა დროულად მოახერხეს ხანძრის ლიკვიდაცია”, - ნათქვამია ინფორმაციაში.
უწყების ცნობით, შემთხვევის შედეგად, არავინ დაშავებულა.
ხანძრის გამომწვევი მიზეზები ჯერჯერობით უცნობია.