თბილისი, 4 იანვარი – Sputnik. რუსეთის პრეზიდენტმა ვლადიმირ პუტინმა ხელი მოაწერა ბრძანებას რუსეთის მოქალაქეობის მიღების შესახებ იმ უცხოელებისთვის და მათი ოჯახის წევრებისთვის, რომლებმაც ხელი მოაწერეს კონტრაქტს რუსეთის შეიარაღებულ ძალებში სამსახურზე.
დოკუმენტი სამართლებრივი ინფორმაციის ოფიციალურ ინტერნეტ–პორტალზე გამოქვეყნდა.
რუსეთის მოქალაქეობის მიღება შეუძლიათ უცხოეთის მოქალაქეებს, რომლებიც სპეციალური სამხედრო ოპერაციის მიმდინარეობის პერიოდში დადებენ კონტრაქტს სამხედრო სამსახურის გავლის შესახებ რუსეთის ფედერაციის შეიარაღებულ ძალებში ან სამხედრო ფორმირებებში, ან სპეციალური სამხედრო ოპერაციის ჩატარების დროს გადიან სამხედრო სამსახურს რუსეთის შეიარაღებულ ძალებში ან სამხედრო ფორმირებებში, ნათქვამია ბრძანებაში.
ასეთივე უფლება აქვთ სპეციალური ოპერაციის პერიოდში რუსეთის შეიარაღებული ძალებიდან გათავისუფლებულ უცხოეთის მოქალაქეებს, მათ მეუღლეებსა და შვილებს.