თბილისი, 9 დეკემბერი — Sputnik. რუსეთის უშიშროების საბჭოს მდივანმა ნიკოლაი პატრუშევმა „როსია სეგოდნიას“ თანამშრომლებსა და მის გენერალურ დირექტორ დმიტრი კისელიოვს მედიაჯგუფის 10 წლის იუბილე მიულოცა.
როგორც პატრუშევმა აღნიშნა, „კოორდინირებული მუშაობა, კომპეტენცია, მტკიცე მოქალაქეობრივი პოზიცია და ჟურნალისტური ეთიკისადმი ერთგულება“ უზრუნველყოფს მედიაჯგუფის წამყვან პოზიციას ადგილობრივ და უცხოურ მედიას შორის.
„არჩეული საქმისადმი პატიოსანი, თავდაუზოგავი სამსახურის წყალობით, თქვენ ახერხებთ ფართო აუდიტორიის ეფექტურად ინფორმირებას ეროვნული და საერთაშორისო უსაფრთხოების საკითხებზე, იცვათ რუსეთის ინტერესებს გლობალურ საინფორმაციო სივრცეში, სწრაფად და ზუსტად აშუქებთ ქვეყანაში და მსოფლიოში მიმდინარე ყველაზე მნიშვნელოვან მოვლენებს“, — ხაზგასმით აღნიშნა უშიშროების საბჭოს მდივანმა.
პატრუშევმა მედიაჯგუფს „ახალი შემოქმედებითი წარმატებები, ამოუწურავი ენერგია და ყოველივე საუკეთესო“ უსურვა.
საერთაშორისო მედიაჯგუფი „როსია სეგოდნია“ აერთიანებს რუსულენოვან საინფორმაციო რესურსებს: „რია ნოვოსტი“, „პრაიმი“, „ინოსმი“, „ბალტნიუსი“, „უკრაინა.რუ“, სოციალური ნავიგატორი, KOT და Arctic.ru. საზღვარგარეთ წარმოდგენილია საერთაშორისო საინფორმაციო სააგენტო და რადიო Sputnik-ით.
მედიაჯგუფის ერთ-ერთი მთავარი პროდუქტია საინფორმაციო არხები რუსულ, ინგლისურ, ჩინურ, ესპანურ, არაბულ და სპარსულ ენებზე. „როსია სეგოდნია“ არის ინფორმაციული პროდუქტების უმსხვილესი რუსული მწარმოებელი, რომელიც საერთაშორისო აუდიტორიაზე, ბიზნესსაზოგადოებაზე, სამთავრობო უწყებებსა და მომხმარებელთა ფართო სპექტრზეა ორიენტირებული.