თბილისი, 9 დეკემბერი — Sputnik. მოსკოვისა და სრულიად რუსეთის პატრიარქმა კირილმა მედიაჯგუფ „როსია სეგოდნიას“ გუნდს 10 წლის იუბილე მიულოცა და უსურვა „ძალა და შთაგონება, ღვთის დახმარება და წარმატებები შემდგომ საქმიანობაში ქვეყნისა და თანამოქალაქეების საკეთილდღეოდ“.
პატრიარქმა ხაზი გაუსვა რედაქციაში „რელიგიისა და მსოფლმხედველობის“ განყოფილების არსებობის მნიშვნელობას, რომლის ჟურნალისტები „უცვლელად აქცევენ ყურადღებას რუსეთის მართლმადიდებლური ეკლესიის საქმიანობას, საუბრობენ მის ისტორიასა და თანამედროვე ცხოვრებაზე და იცავენ ტრადიციულ სულიერ და მორალურ ფასეულობებს მაღალ პროფესიულ დონეზე.”
მან ასევე გამოთქვა „ნაყოფიერი თანამშრომლობის“ გაგრძელების იმედი.
საერთაშორისო მედიაჯგუფი „როსია სეგოდნია“ აერთიანებს რუსულენოვან საინფორმაციო რესურსებს: „რია ნოვოსტი“, „პრაიმი“, „ინოსმი“, „ბალტნიუსი“, „უკრაინა.რუ“, სოციალური ნავიგატორი, KOT და Arctic.ru. საზღვარგარეთ წარმოდგენილია საერთაშორისო საინფორმაციო სააგენტო და რადიო Sputnik-ით.
მედიაჯგუფის ერთ-ერთი მთავარი პროდუქტია საინფორმაციო არხები რუსულ, ინგლისურ, ჩინურ, ესპანურ, არაბულ და სპარსულ ენებზე. „როსია სეგოდნია“ არის ინფორმაციული პროდუქტების უმსხვილესი რუსული მწარმოებელი, რომელიც საერთაშორისო აუდიტორიაზე, ბიზნესსაზოგადოებაზე, სამთავრობო უწყებებსა და მომხმარებელთა ფართო სპექტრზეა ორიენტირებული.