მოსალოდნელია წვიმა: როდის გამოიდარებს საქართველოში?

თბილისი, 13 ნოემბერი — Sputnik. საქართველოს მთელ ტერიტორიაზე 16 ნოემბრამდე ცვალებადი ამინდია ნავარაუდევი, ნათქვამია გარემოს ეროვნული სააგენტოს განცხადებაში.

სინოპტიკოსების პროგნოზით, 13 ნოემბერს საქართველოში შენარჩუნებული იქნება თბილი და უმეტესად უნალექო ამინდი, ხოლო 14 ნოემბერს დასავლეთ საქართველოს უმეტეს და აღმოსავლეთ საქართველოს ზოგიერთ რაიონში მოსალოდნელია ნალექი. 15 ნოემბერს გამოიდარებს.

თბილისში უნალექო ამინდი იქნება. ჰაერის ტემპერატურა დღისით პლუს 19-21 გრადუსია მოსალოდნელი.

სანაპირო რაიონებში (ბათუმი, ქობულეთი, ანაკლია, ფოთი) 13 ნოემბერს შენარჩუნდება თბილი და უნალექო ამინდი, ხოლო 14 ნოემბერს გაწვიმდება, ქარიც გაძლიერდება. 15 ნოემბერს კი ისევ უნალექო ამინდია მოსალოდნელი. ჰაერის ტემპერატურა დღისით პლუს 19-21 გრადუსი იქნება.

დასავლეთ საქართველოს დაბლობ რაიონებში (ქუთაისი, ზესტაფონი, ზუგდიდი, მარტვილი, ოზურგეთი) 13 ნოემბერს შენარჩუნდება თბილი და უნალექო ამინდი, ხოლო 14 ნოემბერს გაწვიმდება. 15 ნოემბერს კი ისევ უნალექო ამინდი იქნება. ჰაერის ტემპერატურა დღისით პლუს 20-22 გრადუსი იქნება.

დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო) 13 ნოემბერს შენარჩუნდება თბილი და უნალექო ამინდი, ხოლო 14 ნოემბერს გაწვიმდება. 15 ნოემბერს კი გამოიდარებს, ჰაერის ტემპერატურა დღისით პლუს 15-17 გრადუსი დაფიქსირდება.

დასავლეთ საქართველოს მაღალმთიან რეგიონებში (მესტია, ბახმარო) 13 ნოემბერს თბილი და უნალექო ამინდი, 14 ნოემბერს კი წვიმიანი ამინდია მოსალოდნელი, 15 ნოემბერს უნალექო ამინდი იქნება. ჰაერის ტემპერატურა დღისით პლუს 9-11 გრადუსია ნავარაუდევი.

ქართლში (რუსთავი, ბოლნისი, მარნეული, გარდაბანი, გორი, ცხინვალი) 13 ნოემბერს შენარჩუნდება შედარებით თბილი და უნალექო ამინდი, ხოლო 14 ნოემბერს დღისით ზოგიერთ რაიონში ნავარაუდევია წვიმა. 15 ნოემბერს კი ისევ უნალექო ამინდი იქნება. ჰაერის ტემპერატურა დღისით პლუს 22 გრადუსამდე გათბება.

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო) 13 ნოემბერს შედარებით თბილი და უნალექო ამინდი შენარჩუნდება, 14 ნოემბერს კი დღისით ზოგან, შესაძლოა, იწვიმოს. 15 ნოემბერს კი ისევ უნალექო ამინდი იქნება. ჰაერის ტემპერატურა დღისით პლუს 21-23 გრადუსი დაფიქსირდება.

აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური) 13 ნოემბერს შენარჩუნდება თბილი და უნალექო ამინდი, 14 ნოემბერს ცალკეულ რაიონებში წვინაა ნავარაუდევი, 15 ნოემბერს კი გამოიდარებს. ჰაერის ტემპერატურა დღისით პლუს 14-16 გრადუსია ნავარაუდევი.

აღმოსავლეთ საქართველოს მაღალმთიან რაიონებშიც (ახალქალაქი, წალკა, ბაკურიანი, გუდაური, ომალო) 13 ნოემბერს თბილი და უნალექო ამინდი შენარჩუნდება, 14 ნოემბერს დღისით ზოგან გაწვიმდება. 15 ნოემბერს კი ისევ უნალექო ამინდი იქნება. ჰაერის ტემპერატურა დღისით პლუს 8-10 გრადუსი დაფიქსირდება.