თბილისი, 1 ნოემბერი – Sputnik. საქართველოს პარლამენტმა მესამე, საბოლოო მოსმენით მიიღო შესწორებები მოქალაქეობის მიღების პროცედურის სრულყოფისა და გამარტივების შესახებ.
შესწორებებს კანონში „მოქალაქეობის შესახებ“ ხმა მისცა 84–მა დეპუტატმა (აუცილებელი იყო მინიმუმ 76).
შესწორებების თანახმად, პირი, რომელსაც აქვს სტატუსი საქართველოში, მაგრამ არა აქვს მოქალაქეობა, და რომელიც ქვეყანაში ცხოვრობს ხუთი ან მეტი წლის განმავლობაში, მიიღებს შესაძლებლობას, დანარჩენი წესების დაკმაყოფილების შემთხვევაში, მიიღოს ქართული პასპორტი.
მოქალაქეობის მისაღებად საჭიროა საქართველოს სახელმწიფო ენის, ისტორიისა და სამართლის ძირითად საფუძვლებში გამოცდების ჩაბარება.
სიახლე მიიღეს ქართული დიასპორის თხოვნის გათვალისწინებით. როდესაც ხელისუფლებამ მოქალაქეობის გაცემის პროცედურის გამარტივების შესახებ განაცხადა, საქართველოს იუსტიციის მინისტრმა რატი ბრეგაძემ მიუთითა საქართველოს კონსტიტუციაში 2017 წლის ჩანაწერზე, რომლის თანახმად სახელმწიფო ვალდებულია იზრუნოს საზღვარგარეთ მცხოვრები თანამემამულეების სამშობლოსთან მჭიდრო კავშირების შენარჩუნებასა და განვითარებაზე.