თბილისი, 29 ოქტომბერი — Sputnik. თბილისელებს და დედაქალაქის სტუმრებს ეპატიჟებიან დედაენის პარკში სტრიტ-ფუდის და მუსიკის ფესტივალის „გაუსინჯე თბილისს გემო“ ბოლო დღეზე, ნათქვამია ორგანიზატორების განცხადებაში.
ფესტივალი ტრადიციულად შემოდგომის თბილ დღეებში იმართება. წელს ის ორ ეტაპად არის დაყოფილი: 21-22 და 28-29 ოქტომბერი.
სტუმრები სასიამოვნო გარემოში გაატარებენ დროს, დააგემოვნებენ კერძებს, მოუსმენენ მუსიკას.
სასმელებიდან იქნება წარმოდგენილი ქართული ნატურალური ღვინო, ხელნაკეთი ლუდი და სიდრი.