თბილისი, 9 ოქტომბერი − Sputnik. კიევისთვის ნატოს იარაღის მიწოდების რისკებზე, რომ შემდგომში ის მსოფლიოს ქვეყნების „შავ ბაზრებზე“ვრცელდება, რუსეთის საგარეო უწყება არაერთხელ საუბრობდა, განაცხადა რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ.
„წელიწადნახევრის განმავლობაში რუსეთის საგარეო საქმეთა სამინისტროში ოფიციალურ ბრიფინგებზე ვსაუბრობდი იმაზე, თუ როგორ ვრცელდება ზელენსკისთვის მიწოდებული ნატოს, პირველ რიგში კი, ამერიკული იარაღი „შავ ბაზრებზე“. ვასახელებდი მიზეზსაც − კორუფცია უკრაინაში და კორუფციული ერთობა ვაშინგტონსა და კიევს შორის“, − წერს იგი Telegram-არხზე.
ზახაროვას თქმით, მან, როგორც რუსეთის საგარეო საქმეთა სამინისტროს წარმომადგენელმა, არაერთხელ სთხოვა მსოფლიო მედიას, გაემახვილებინა ყურადღება მსგავს ფაქტებზე.
მანამდე ამერიკელმა რესპუბლიკელმა კონგრესმენმა მარჯორი ტეილორ გრინმა მოითხოვა, გადამოწმდეს იარაღის წარმომავლობა, რომელიც პალესტინელებმა ისრაელის სამხრეთზე თავდასხმისას გამოიყენეს. მისი ვარაუდით, ამერიკული იარაღი „ჰამასის“ ხელში შესაძლოა უკრაინიდან ან ავღანეთიდან მოხვედრილიყო.