საქართველო უფრო მეტს ყიდის, ვიდრე ყიდულობს - უმსხვილესი სავაჭრო პარტნიორების ნუსხა

თბილისი, 21 აგვისტო — Sputnik. აზერბაიჯანი, სომხეთი, ყაზახეთი და ყირგიზეთი საქართველოს სავაჭრო პარტნიორების ათეულში შედიან, ასევე იმ ქვეყნების სიაში, სადაც უფრო მეტი საქონელი გადის, ვიდრე შემოდის, ნათქვამია სტატისტიკის ეროვნული სამსახურის "საქსტატის" 2023 წლის იანვარი–ივლისის მიმოხილვაში.

ექსპორტმა აზერბაიჯანში იანვარი–ივლისში შეადგინა 485,3 მლნ აშშ დოლარი, ხოლო იმპორტმა – 362,6 მლნ დოლარი.

სომხეთში საქართველომ ექსპორტზე გაიტანა 495 მლნ დოლარის საქონელი, ხოლო შემოიტანა 239,5 მლნ დოლარის საქონელი.

ექსპორტმა ყაზახეთში შეადგინა 354,6 მლნ დოლარი, ხოლო იმპორტმა – 16,5 მლნ დოლარი. ყირგიზეთში გაიტანეს 350,7 მლნ დოლარის საქონელი და საქართველოში შემოიტანეს 2,9 მლნ დოლარის საქონელი.

საანგარიშო პერიოდში საქართველოს სავაჭრო ბრუნვამ 12,1 მლრდ დოლარს გადააჭარბა, რაც 18%-ით მეტია 2022 წლის შვიდი თვის მონაცემზე. აქედან 3.583,4 მლრდ დოლარი ექსპორტზე მოდის (ზრდა 15,9%-ით), ხოლო 8.522,1 მლრდ დოლარი – იმპორტზე (ზრდა 19%-ით), იუწყება „საქსტატი".

ვაჭრობის წილი საქართველოს ათ უმსხვილეს სავაჭრო პარტნიორთან 68,7%-ს შეადგენს. ამ ჩამონათვალში პირველ პოზიციებს იკავებენ თურქეთი, რუსეთი, აშშ და ჩინეთი. შემდეგ მოდიან აზერბაიჯანი, სომხეთი, გერმანია, ხოლო ათეულის ბოლოს არიან ყაზახეთი, ყირგიზეთი და იაპონია.