როგორ იშიფრება სიზმრები, ანუ რის თქმას ცდილობს ქვეცნობიერი

„ვინაიდან სიზმრები ჩვენს ქვეცნობიერში იბადება, ისინი გვეხმარება ჩვენი ფარული შიშების, საჭიროებებისა და სურვილების გაგებაში. სიზმრები გვაიძულებს მოვუსმინოთ ჩვენს გრძნობებს და სულიერ მდგომარეობას. ჩვენ მათ ძირითადად სწრაფი ძილის ფაზაში ვხედავთ, როდესაც ტვინის აქტივობა მაღალია — თითქმის ისე, როგორც სიფხიზლის დროს“, — ამბობს ჰარა.

„თუ საკუთარი სიკვდილი გესიზმრებათ, ეს იმაზე მეტყველებს, რომ თვითგანვითარების რაღაც ეტაპს, რაღაც ტრანსფორმაციას გადიხართ — თქვენი ნაწილი იმისთვის მოკვდა, რომ სამაგიეროდ რაღაც ახალი დაიბადოს“, — განმარტავს კარმენ ჰარა.

„სიზმარში მოძრაობის უუნარობა იმაზე მეტყველებს, რომ რეალურ ცხოვრებაში რაღაც მიზნის მიღწევის უნარი არ გაქვთ. ასეთი სიზმარი შესაძლოა იყო სტრესის ძლიერი ფაქტორების — უფულობის, სამსახურებრივი პრობლემების, ავადმყოფობის, ოჯახში არეულობების ან პარტნიორთან ჩხუბის შედეგი“, — მიაჩნია კარმენ ჰარას.