როგორ უნდა შევინახოთ ფული – ამის თაობაზე საყურადღებოა ბიოენერგეტიკის სპეციალისტების რჩევები.
სახლი რომ ფულისგან არ დაიცალოს, პირველ რიგში საჭიროა თვითონ სახლის სისუფთავე. არეულობა და ბევრი უსარგებლო ნივთი იღბალს აფრთხობს და წარმატებას აბრკოლებს.
ფულს წესრიგი უყვარს
ფულს წესრიგი უყვარს, ამიტომ კუპიურა აკურატულად უნდა დადოთ სხვა კუპიურებთან ერთად. არ ჩააგდოთ ფული ქილაში, ყუთში და თან ქაოსურად. ეს ნეგატიურად აისახება ფინანსურ ნაკადებზე.
არ შეინახოთ ფული საძინებელ ოთახში
საძინებელი დასვენების ადგილია. იქ ფულს არაფერი ესაქმება. თუ თანხას საძინებელში შეინახავთ, ფულსაც „დაეძინება". შესანახად საუკეთესო ადგილია სამუშაო კაბინეტი, სასტუმრო ოთახი. ძალიან კარგია მისი შენახვა ოთახის „დიდების" ზონაში, სადაც განთავსებული გაქვთ, ასეთის არსებობის შემთხვევაში, თქვენი სიგელები, თასები, მედლები.
ბნელი კუთხე
ფულს სიმშვიდე უყვარს, ამიტომ კარგია მისი შენახვა იქ, სადაც არაა გამჭოლი ნიავი, რათა ქარმა მისი „სიმშვიდე" არ დაარღვიოს. ჯობს ის ბნელ ადგილზე შეინახოთ და უცხო თვალს მოარიდოთ.
სივრცე
ფული ვიწრო ადგილზე არ უნდა შეინახოთ. არავითარ შემთხვევაში არ ჩადოთ ის საქაღალდეში, წიგნში. ის ფართო ყუთში მოათავსეთ. ასევე ექსპერტები გვირჩევენ, რომ ლამაზი ყუთი შევარჩიოთ.
ნაღდი ფული თუ ბარათი
განსხვავება არ არის, მაგრამ ბარათი მარტივია. მასზე ზემოთ აღწერილი ყველა წესი ვრცელდება. რა თქმა უნდა, არ ღირს ნერვიულობა იმ ბარათზე, რომელსაც მუდმივად იყენებთ. თვალს მოშორებულ ადგილზე შეინახეთ ის ბარათი, რომელსაც არ იყენებთ.
არ დაკეცოთ ფული
ეს ძალზე მნიშვნელოვანი მომენტია. ბევრს უყვარს ფულის დაკეცვა, გორგალივით დახვევა, მაგრამ ამის გაკეთება არ ღირს. ეს ნეგატიურად მოქმედებს ფინანსურ ნაკადებზე. ფული მალე გაქრება, თუ მას დაკუჭულს ან დახვეულს შეინახავთ. ყველაზე კარგი ვარიანტია სეიფი, მაგრამ ამის საშუალება ყველას არა აქვს. მთავარია, ისეთ ადგილზე შეინახოთ, რომ თავი მშვიდად იგრძნოთ და არ ინერვიულოთ.