ფოთმა საერთაშორისო საჭადრაკო ტურნირს უმასპინძლა - ფოტო

თბილისი, 22 ივლისი – Sputnik. ფოთში XVI საერთაშორისო საჭადრაკო ფესტივალი „ნანა ალექსანდრიას თასი–2023" დასრულდა.

ტურნირში 10 ქვეყნის 415 მოჭადრაკე ასპარეზობდა, მათ შორის საერთაშორისო დიდოსტატები და ოსტატები.

საფესტივალო პროგრამის ფარგლებში სხვადასხვა კატეგორიის 11 ტურნირი გაიმართა. ასპარეზობის საერთო საპრიზო ფონდმა 50 ათას ლარი შეადგინა. ღია ტურნირის მთავარი გამარჯვებული კი ლუკა პაიჭაძე გახდა.

გამარჯვებულები არიან ნინო შურღულაია (მესამე ადგილი 8 წლამდე გოგონებს შორის), ლიზი სარიშვილი (მეორე ადგილი ქალთა შორის E ღია ტურნირში) და ანა სანიკიძე (მესამე ადგილი ქალთა შორის D ღია ტურნირში).

აღინიშნა, რომ წელს დაწესდა „გიორგი გამზარდიას თასი“, რომელიც იყო საჭადრაკო კლუბ „ნანას“ გამოჩენილი პედაგოგი, ფიდეს ოსტატი და ფესტივალის აქტიური მონაწილე.

საერთაშორისო საჭადრაკო ფესტივალი „ნანა ალექსანდრიას თასი–2023" ფოთის მუნიციპალიტეტის და საქართველოს ჭადრაკის ფედერაციის მხარდაჭერით გაიმართა.