თბილისი, 9 ივლისი – Sputnik. უზბეკეთში კვირას ვადამდელი საპრეზიდენტო არჩევნები იმართება.
ეს არის პირველი არჩევნები კონსტიტუციაში ცვლილებების შეტანის შემდეგ, რის საფუძველზეც სახელმწიფოს მეთაურის უფლებამოსილების ვადა 5-დან 7 წლამდე გახანგრძლივდა. საკონსტიტუციო კანონმდებლობით, ამ პოსტზე ხელახალი კენჭისყრა შეუძლია სახელმწიფოს ამჟამინდელ მეთაურს, 65 წლის შავკათ მირზიიოევსაც, რომელიც უკვე მეორედ არის თანამდებობაზე. სახელმწიფოს მეთაურის პოსტისთვის სულ 4 ადამიანი იბრძვის.
ცესკოს მონაცემებით, 10 ათასზე მეტ საარჩევნო უბანზე ხმის მიცემას 20 მილიონამდე ადამიანი შეძლებს. 28 ივნისიდან 5 ივლისამდე 600 ათასამდე მოქალაქემ ხმა წინასწარ მისცა.
მოქალაქეებს ხმის მიცემა საზღვარგარეთაც შეუძლიათ – 39 ქვეყანაში 56 სტაციონარული საარჩევნო უბანი გაიხსნა.
არჩევნებს დააკვირდება 50 ათასამდე ადგილობრივი დამკვირვებელი და 800-ზე მეტი საერთაშორისო დამკვირვებელი სხვადასხვა ორგანიზაციიდან, მათ შორის დსთ-ის, ეუთოს, SCO-ს, ისლამური თანამშრომლობის ორგანიზაციისა და საარჩევნო ორგანოების მსოფლიო ორგანიზაციიდან.