მაღალი ტემპერატურა, წვიმა და სეტყვა: როგორი ამინდი იქნება საქართველოში უახლოეს დღეებში

თბილისი, 2 ივლისი - Sputnik. საქართველოში 2 ივლისს შენარჩუნებული იქნება უნალექო ამინდი, იუწყება გარემოს ეროვნული სააგენტო.

სინოპტიკოსების პროგნოზით, 3-დან 5 ივლისის ჩათვლით მაღალი ტემპერატურის ფონზე ცალკეულ რაიონში მოსალოდნელია ხანმოკლე წვიმა ელჭექით, აღმოსავლეთ საქართველოში შესაძლებელია სეტყვა.

ჰაერის ტემპერატურა 29-34 გრადუსამდე მოიმატებს.

რაც შეეხება დედაქალაქს, თბილისში მხოლოდ 4 ივლისს შესაძლოა გაწვიმდეს, დანარჩენ დღეებში ცხელი და უნალექო ამინდი იქნება. ჰაერის ტემპერატურა დღის საათებში 32-34 გრადუსი დაფიქსირდება.