თბილისი, 20 ივნისი – Sputnik. საქართველოს მორაგბეთა ნაკრების მთავარმა მწვრთნელმა ლევან მაისაშვილმა დაასახელა 39 მოთამაშე, რომელიც „შევარდენის“ ბაზაზე მსოფლიო თასისთვის მოემზადება.
მსოფლიო თასზე საქართველოს ნაკრები ავსტრალიასთან, უელსთან, ფიჯისთან და პორტუგალიასთან ერთ ჯგუფში ითამაშებს.
საქართველოს ნაკრებმა ვარჯიში 20 ივნისს დაიწყო. გაფართოებულ შემადგენლობაში მოხვდა 39 მოთამაშე, თუმცა საწყის ეტაპზე შეკრებას 37 მორაგბე დაიწყებს. კიდევ ორი მორაგბე – თორნიკე კახოიძე და ლუკა ხორბალაძე ნაკრებს მოგვიანებით შეუერთდებიან, ახლა ისინი მსოფლიო რაგბის 20-წლამდელთა ჩემპიონატისთვის ემზადებიან, რომელიც სამხრეთ აფრიკის რესპუბლიკაში გაიმართება.
39 მორაგბიდან, რომლებიც მსოფლიო თასისთვის მოემზადებიან, 22 მორკინალი, 17 კი ხაზის მოთამაშეა. გუნდში 18 მორაგბე „შავი ლომიდანაა“, 21 კი ლეგიონერია. 19 წლის ლუკა ხორბალაძე ერთადერთია ბორჯღალოსნებში, რომელსაც ძირითად შემადგენლობაში ჯერ არ უთამაშია.
გაფართოებული შემადგენლობის მოთამაშეები:
შერკინება: ნიკა აბულაძე (ექსეთერ ჩიფსი), გურამ გოგიჩაშვილი (რასინგ 92), მიხეილ ნარიაშვილი (შავი ლომი), შალვა მამუკაშვილი (შავი ლომი), გიორგი ჭყოიძე (შავი ლომი), თენგიზ ზამთარაძე (შავი ლომი), ლუკა ნიორაძე (ორიაკი), ბექა გიგაშვილი (ტულონი), გურამ პაპიძე (პო), ლუკა ჯაფარიძე (მონპელიე), კოტე მიქაუტაძე (ბეიონი), ნოდარ ჭეიშვილი (შავი ლომი), ლაშა ჯაიანი (ნევერი), ლადო ჩაჩანიძე (ნევერი), მიხეილ ბაბუნაშვილი (შავი ლომი), ბექა საღინაძე (ლიონი), ბექა გორგაძე (პო), გიორგი ცუცქირიძე (სტად ფრანსე), თორნიკე ჯალაღონია (ბიარიცი), ოთარ გიორგაძე (მონტობანი), მიხეილ გაჩეჩილაძე (შავი ლომი), ლუკა ივანიშვილი (შავი ლომი);
დაცვის ხაზი: ვასილ ლობჟანიძე (ბრივი), გელა აფრასიძე (ბეიონი), თენგიზ პერანიძე (შავი ლომი), მიხეილ ალანია (ორიაკი), თედო აბჟანდაძე (მონტობანი), ლუკა მატკავა (შავი ლომი), მერაბ შარიქაძე (შავი ლომი), თორნიკე კახოიძე (შავი ლომი), დემურ თაფლაძე (შავი ლომი), გიორგი კვესელაძე (გლოსტერი), აკაკი ტაბუცაძე (შავი ლომი), ალექსანდრე თოდუა (შავი ლომი), მირიან მოდებაძე (შავი ლომი), ოთარ ლაშხი (შავი ლომი), დავით ნინიაშვილი (ლიონი), ლაშა ხმალაძე (შავი ლომი), ლუკა ხორბალაძე (ლიონი).
მსოფლიო თასი 2023 წლის 8 სექტემბრიდან 28 ოქტომბრამდე პერიოდში ჩატარდება. ტურნირის მასპინძელი ქვეყანა საფრანგეთია.