საფრანგეთში მიწისძვრა მოხდა

თბილისი, 17 ივნისი – Sputnik. 4,4 მაგნიტუდის სიმძლავრის მიწისძვრა მოხდა დასავლეთ საფრანგეთში, სურჟერის კომუნის (Surgères) მახლობლად, იუწყება ევროპის ხმელთაშუა ზღვის სეისმოლოგიური ცენტრი (EMSC).

ინფორმაცია შესაძლო მსხვერპლის ან ნგრევის შესახებ არ ვრცელდება.

ცენტრის ცნობით, მიწისძვრა დაფიქსირდა 06:27 საათზე თბილისის დროით, 12 კილომეტრით ჩრდილოეთით სურჟერიდან, სადაც 5,8 ათასი ადამიანი ცხოვრობს. კერა 9 კილომეტრის სიღრმეზე იყო.

აღნიშნულია, რომ იმავე ადგილას 06:53 საათზე მოხდა 3,1 მაგნიტუდის მიწისძვრა, რომლის კერა 2 კილომეტრის სიღრმეზე დაფიქსირდა. ამავე რეგიონში 16 ივნისს 5,3 მაგნიტუდის მიწისძვრა მოხდა.

France-Presse-ის ცნობით, საფრანგეთის კონტინენტურ ნაწილში 5-ზე მეტი მაგნიტუდის სიმძლავრის მიწისძვრა 2019 წელს დაფიქსირდა, ხოლო ამ რეგიონში ბოლო მსგავსი სიმძლავრის მიწისძვრა 1972 წელს მოხდა.

წყარო - EMSC