თბილისი, 15 ივნისი — Sputnik. გურჯაანში მოსული ძლიერი წვიმის შედეგად ქუჩებში წყლის ნიაღვარმა ავტომობილები წაიღო, სტიქიის ამსახველი ვიდეოკადრები სოციალურ ქსელში ადგილობრივებმა გაავრცელეს.
ადგილობრივი მასმედიის ცნობით, უხვი ნალექის შედეგად ქალაქში წყლით გაივსო სანიაღვრე არხები და წყალი გზებზე გადმოვიდა. ქალაქში დატბორილია სახლების პირველი სართულები, მერიის ადმინისტრაციული შენობის მიმდებარე ტერიტორია. დაზიანებულია გზები და ინფრასტრუქტურა. ქალაქს არ მიეწოდება ელექტროენერგია.
ამჟამად სამაშველო სამსახური წყლის ამოტუმბვით სამუშაოებს ახორციელებს.