საქართველოში კიდევ ერთი მიწისძვრა მოხდა

თბილისი, 7 ივნისი – Sputnik. თიანეთთან ახლოს, სოფელ უკანაფშავში დღეს, 7 ივნისს 3,6 მაგნიტუდის მიწისძვრა მოხდა, იუწყება საქართველოს სეისმური მონიტორინგის ეროვნული ცენტრი.

ცენტრის მონაცემებით, მიწისქვეშა ბიძგები 10:24 საათზე დაფიქსირდა. მიწისძვრის კერა 11 კმ სიღრმეში იყო.

გუშინ ამავე ტერიტორიაზე 3,9 მაგნიტუდის მიწისძვრა დაფიქსირდა.

ინფორმაცია ნგრევის ან მსხვერპლის შესახებ არ ვრცელდება.