დედოფლისწყარომდე თბილისიდან 2 საათის სავალია
თუმცა, ბუნების მოყვარულებისათვის გზაში დრო სწრაფად გადის
აქ ხომ უამრავი რამ არის სანახავი
და მაინც, კონკრეტულად რა შეგიძლიათ ნახოთ აქ?
რაიონის ადმინისტრაციული ცენტრის მახლობლად მდებარეობს ხორნაბუჯის ციხე
მასთან ფეხით მისვლა ძალიან მარტივია
ხორნაბუჯი V საუკუნეში აიგო
არქეოლოგიური გათხრების შემდეგ ციხესიმაგრის მახლობლად უძველესი დასახლების ფრაგმენტები აღმოაჩინეს
როგორც გაირკვა, ადამიანები აქ უხსოვარი დროიდან ცხოვრობდნენ
ციტადელი ალაზნის ველის მაღლობზე მდებარეობს
კარგ ამინდში ციხესიმაგრიდან შთამბეჭდავი ხედი იშლება
კლდეზე შემორჩენილია ციხის კედლებისა და კოშკების ნანგრევები
ასევე წყლის რეზერვუარისა და სხვა სივრცეების ფრაგმენტები
თითქმის განადგურებულ ციტადელამდე მიდის ვიწრო ბილიკი
ბილიკზე სიარულისას პატარა გამოქვაბულებსაც წააწყდებით
შიგნით ხანდახან იხილავთ ღამურებსაც. აქ ასვლისას სიფრთხილე გმართებთ
თუმცა, სიმაღლის შიში ასვლაშ ხელს შეგიშლით
მაგრამ ეს არც თუ ბევრ ადამიანს აჩერებს. ზემოთ კი ხშირად შეხვდებით აქტიური დასვენების მოყავრულებს
დედოფლისწყაროს მეორე მხარეში განთავსებულია წმინდა ილია თეზბიტელის ტაძარი
მონასტრისკენ მიმავალ გზაზე არაჩვეულებრივი ხედებია მთებსა და ველებზე, მონასტრის ტერიტორიიდან კი ჩანს ტბაც
სალოცავმა გამოიარა უამრავი ომი, თუმცა, მაინც კარგად არის შემონახული. აქ მუდმივად აღევლინება ღვთისმსახურება, ხოლო ორ აგვისტოს აქ ადამიანები წმინდა ილია თეზბიტელის დღეს აღნიშნავენ
თუ დედოფლისწყაროშ საკუთარი ტრანსპორტით არ მიდიხართ, ჯობს ღამით იქ დარჩეთ, რადგან ყველაფრის ნახვას ვერ მოასწრებთ, ენერგია კი დღის ბოლომდე ვერ შემოგრჩებათ
დილით კი, წამოსვლამდე, აუცილებლად იხილეთ არწივის ხეობა
არწივის ხეობა იდეალურია ფრინველებზე დასაკვირვებლად. ხშირად აქ სწორედ ამ მიზნითაც მოდიან
აქ შეგიძლიათ ნახოთ სამოცზე მეტი სახეობის ჩიტი. შეიარაღდით ბინოკლით და მოემზადეთ საინტერესო დღისათვის
ხეობაში მიდის საფეხმავლო ბილიკი, რომელიც კანიონის სიღრმეში ჩადის. კანიონში იხილავთ რამდენიმე ჩანჩქერს. ლაშქრობის მოყვარულთათვის გაკეთებულია ხიდები, კიბეები ციცაბო დაღმართებზე და ბაგირები აღმართების დასაძლევად