თუ ბავშვმა თავი დაარტყა - უმნიშვნელოდაც კი: პედიატრი კომაროვსკი გირჩევთ

თბილისი, 17 აპრილი - Sputnik. თავის უმნიშვნელოდ მირტყმასაც კი შესაძლოა ბავშვისთვის სახიფათო შედეგები მოჰყვეს, აცხადებს ცნობილი უკრაინელი ექიმი, უმაღლესი კატეგორიის პედიატრი ევგენი კომაროვსკი.

მისი თქმით, ბავშვებში ერთ-ერთი ყველაზე ხშირად გავრცელებული ტრავმა — ეს სწორედ თავის ტრავმაა. და, მიუხედავად იმისა, რომ შემთხვევების აბსოლუტური უმეტესობა უსაფრთხოა და ერთი შეხედვით, სერიოზული შედეგი არ მოსდევს, გახსოვდეთ, რომ თავის ყოველი დარტყმის შემდეგ ბავშვი აუცილებლად უნდა ანახოთ ექიმს.

როგორც კომაროვსკი ამბობს, გამორიცხული არ არის, რომ დაზიანებული იყოს თავის ტვინის ნივთიერება, ან თავის ქალაში სისხლდენას ჰქონდეს ადგილი.

თუ ტრავმირებულმა ბავშვმა იტირა და ამ დროს ცინგლი წამოუვიდა, ეს საშიში არ არის. მაგრამ თუ ტირილის შეწყვეტის შემდეგ სურდოს ნიშნები (ცინგლი) დარჩა, რაც ტრავმამდე არ შეინიშნებოდა, მაშინვე ექიმისკენ გასწიეთ!

თუ ტრავმის შემდეგ, თუნდაც უმნიშვნელოდ, დაირღვა გრძნობათა ორგანოების ფუნქციონირება: ცუდად ან რაღაც სხვაგვარად ესმის, მხედველობა გაორებული აქვს ან დაბინდული, პირში უჩვეულო გემო აქვს, რაღაც სუნი ეჩვენება, კანი ეხორკლება - მაშინვე ექიმისკენ გასწიეთ!

საშიშმა სიმპტომებმა შესაძლოა მაშინვე არ იჩინოს თავი. ამიტომ მშობლები ყურადღებით უნდა დააკვირდნენ ბავშვს 24 საათის განმავლობაში მაშინაც კი, თუ ტრავმა უმნიშვნელო ეჩვენებათ.

თუ ტრავმის შემდეგ ბავშვი დამშვიდდა და დაიძინა, შეაღვიძეთ ის ყოველ 2-3 საათში და დაუსვით მარტივი კითხვები. მაგალითად: რა გქვია? რამდენი წლის ხარ? და ა.შ.

გარდა ამისა, საშიში სიმპტომების გამოვლენისას, უნდა იცოდეთ რომ:

კიდევ ერთხელ ვიმეორებთ: თავის ნებისმიერი ტრავმა პოტენციურად საშიშია. ოდნავი ეჭვიც კი — და მაშინვე ექიმისკენ!