თბილისი, 14 მარტი — Sputnik. ჯანდაცვის მსოფლიო ორგანიზაციის (ჯანმო) გენერალური დირექტორი ტედროს ადანომ გებრეიესუსი დარწმუნებულია, რომ 2023 წელს COVID-19 პანდემია დასრულდება, იუწყება ორგანიზაციის პრესსამსახური.
„დარწმუნებული ვარ, რომ წელს, რაღაც მომენტში, ჩვენ შევძლებთ ვთქვათ, რომ COVID-19-თან დაკავშირებული საერთაშორისო მნიშვნელობის საგანგებო ვითარება და პანდემია დასრულებულია“, — აღნიშნა გებრეიესუსმა.
მისი თქმით, 11 მარტს ზუსტად სამი წელი შესრულდა მას შემდეგ, რაც ჯანმომ COVID-19 გლობალურ პანდემიად ცნო.
ამ ხნის განმავლობაში პირველად მოხდა, რომ ერთ კვირაში კორონავირუსით გარდაცვლილთა რაოდენობის მაჩვენებელი იმაზე ნაკლებია, ვიდრე ეს პანდემიის გამოცხადების მომენტისთვის იყო.