თბილისი, 12 მარტი – Sputnik. საფრანგეთის სენატმა მიიღო საპენსიო რეფორმა, რომელმაც მთელი ქვეყნის მასშტაბით პროტესტი გამოიწვია, იუწყება Agence France-Presse.
„საფრანგეთის სენატმა მიიღო საკამათო საპენსიო რეფორმა“, - ნათქვამია სააგენტოს განცხადებაში.
აღნიშნულია, რომ რეფორმას მხარი დაუჭირა 195-მა, ხოლო წინააღმდეგი 112 სენატორი წავიდა.
გუშინ კი საპენსიო რეფორმის პროექტის წინააღმდეგ საფრანგეთის მასშტაბით მორიგი საყოველთაო გაფიცვა გაიმართა. იმ დღეს ქვეყნის მასშტაბით 230-მდე საპროტესტო აქცია დაიგეგმა.
საფრანგეთის პრემიერ-მინისტრმა ელიზაბეტ ბორნმა 10 იანვარს წარადგინა კანონპროექტი, რომელიც საპენსიო ასაკის გაზრდას და რიგი რთული პროფესიისთვის „სპეციალური“ რეჟიმების გაუქმებას ითვალისწინებს. მისი თქმით, ხელისუფლება საპენსიო ასაკის გაზრდას წელიწადში სამი თვით 2023 წლის 1 სექტემბრიდან დაიწყებს. ამრიგად, 2030 წლისთვის ის 64 წელს მიაღწევს.