თბილისში მესამე დღეა საპროტესტო აქცია გრძელდება. პერიოდულად ხდებოდა დაპირისპირებები პოლიციასთან.
უკანასკნელი მონაცემებით, პოლიციამ სულ ორი დღის განმავლობაში ადმინისტრაციული წესით დააკავა 133 ადამიანი, მათი ნაწილი უკვე თავისუფალია. მეორე მხრივ, სპეციალურ საგამოძიებო სამსახურში 22 შეტყობინება შევიდა პოლიციის მხრიდან ძალის გადამეტების შესახებ.
ორდღიანი დაპირისპირების ბოლოს „ქართულმა ოცნებამ“ უცხოური აგენტების შესახებ კანონის გამოწვევის შესახებ განცხადება გაავრცელა. თუმცა პროცედურების დასასრულებლად აუცილებელია კანონპროექტის ჩაგდება. მმართველი პარტია „ქართული ოცნების“ თავმჯდომარემ ირაკლი კობახიძემ პირობა დადო, რომ კანონპროექტი მეორე მოსმენის დროს ჩავარდება და მმართველი პარტია მის განხილვას არ დაუბრუნდება.
პროექტის უკან გაწვევის გადაწყვეტილება დადებითად შეაფასეს საქართველოს დასავლელმა პარტნიორებმა და საერთაშორისო ორგანიზაციებმა.