საქართველოს საკალათბურთო ნაკრები პირველად მიიღებს მონაწილეობას მსოფლიო ჩემპიონატში
ნაკრების სპორტსმენები გამარჯვებას აღნიშნავენ!
ტრიბუნებზე მყოფი ქომაგები აღფრთოვანებული არიან ქართველი კალათბურთელების თამაშით
ქართველმა სპორტსმენებმა მსოფლიო ჩემპიონატის საგზურისათვის ბრძოლაში თავი არ დაზოგეს
დამსახურებულმა წარმატებამ თითოეული გულშემატკივარი გაახარა
კალათბურთელებს ასეთი შესაძლებლობა პირველად მიეცათ
მსოფლიო ჩემპიონატი 2023 წლის 25 აგვისტოდან 10 სექტემბრის ჩათვლით გაიმართება იაპონიაში, ინდონეზიასა და ფილიპინებზე
საკალათბურთო ნაკრების მწვრთნელმა ილიას ზუროსმა ისლანდიასთან მატჩის შემდეგ სპორტსმენებს კარგი თამაშისათვის მადლობა გადაუხადა
შესარჩევი ტურნირის ბოლო მატჩში ქართველმა კალათბურთელებმა ისლანდიის ნაკრებთან წააგეს ანგარიშით 77:80
თუმცა, რეიკიავიკში მოპოვებული გამარჯვების (88:85) შემდეგ საქართველო პირველ მატჩში დაგროვილი ქულების ხარჯზე მსოფლიო ჩემპიონატზე მოხვდა
L ჯგუფიდან, საქართველოს გარდა, მსოფლიო ჩემპიონატის საგზური მოიპოვეს ესპანეთისა და იტალიის გუნდებმა
ქართული ნაკრების მწვრთნელის თქმით, მატჩამდე უკვე იცოდა, რომ გუნდი ჩემპიონატზე გავიდოდა, რაზეც კალათბურთელების განწყობა მეტყველებდა
„მადლობა ყველა ჩემს კალათბურთელს. მათ შეუძლებელი შეძლეს. ჩვენი გუნდის ენერგია, რომლითაც გულშემატკივარი გვმუხტავდა, უშრეტი იყო. ეს ენერგია იგრძნობოდა მათგანაც კი, ვინც მატჩს ტელევიზორით ადევნებდა თვალს“, - განაცხადა ზუროსმა
განსაკუთრებული მადლობა მან კაპიტან თორნიკე შენგელიას და ვეტერან კალათბურთელ გიორგი შერმადინს გადაუხადა
„ჩვენ დავინახეთ, რომ შეგვიძლია ერთად ბრძოლა, ერთად თამაში და ერთად გამარჯვება“, - დაამატა ილიას ზუროსმა