კიდევ ერთი მარცხი: თბილისის „დინამოს“ წყალბურთელები იტალიელ „პრო რეკოსთან“ დამარცხდნენ

თბილისი, 19 თებერვალი - Sputnik. თბილისის „დინამომ“ წყალბურთის ჩემპიონთა ლიგაში მერვე მატჩი ჩაატარა და „პრო რეკოს“ გუნდთან ანგარიშით 5:20 წააგო.

თბილისელები შვიდი შეხვედრის შემდეგ სატურნირო ცხრილში ბოლო, მერვე ადგილს იკავებდნენ, ხოლო „პრო რეკო" მესამე ადგილზე იყო. იტალიური კლუბი წყალბურთის ჩემპიონთა ლიგის მოქმედი გამარჯვებულია.

ამ სეზონში „პრო რეკო" ტიტულისთვის ბრძოლაში ერთ-ერთი მთავარი ფავორიტია. პირველ მატჩში, 7 თებერვალს, „დინამო“ მეტოქესთან 3:13 დამარცხდა.

ანგარიში მეოთხედების მიხედვით:

პირველი მეოთხედი - 2:5;

მეორე მეოთხედი - 0:4;

მესამე მეოთხედი - 1:6;

მეოთხე მეოთხედი - 2:5.

თბილისის „დინამო" A ჯგუფში ბოლო ადგილს იკავებს. შესარჩევი ეტაპის დასკვნით მატჩში „დინამო“ სტუმრად „ჰანოვერს" დაუპირისპირდება.