გამთენიისას თურქეთში ძლიერი მიწისძვრა მოხდა
სეისმოცენტრების ინფორმაციით, მისი სიმძლავრე 7,4-დან 7,9 მაგნიტუდამდე იყო
თურქეთში განგაშის უმაღლესი დონე გამოაცხადეს, რაც საერთაშორისო დახმარების თხოვნას მოიაზრებს
სხვადასხვა ქალაქებში დანგრეულია ასზე მეტი შენობა, აფეთქება მოხდა გაზსადენზე
ამ მომენტისათვის ცნობილია მხოლოდ 80 დაღუპულისა და ასობით დაშავებულის შესახებ
მიმდინარეობს სამაშველო სამუშაოები
მიწისქვეშა ბიძგების ეპიცენტრი გაზიანთეპიდან 27 კილომეტრში მდებარეობდა
მიწისძვრის კერა 10 კილომეტრის სიღრმეში იყო
ადგილობრივი მედიის ცნობით, მიწისძვრა იგრძნობოდა თურქეთის ექვს რეგიონში
ძლიერი მიწისქვეშა ბიძგები დაფიქსირდა სირიაშიც
სირიის ბევრ ქალაქში ასევე დაინგრა შენობები
ამ ეტაპზე არსებული ინფორმაციით, სირიაში დაიღუპა 99 ადამიანი და დაშავდა 334
დაზარალებულები სირიის პროვინცია იდლიბის საავადმყოფოებში გადაიყვანეს
მიწისქვეშა ბიძგები იგრძნობოდა ბეირუთშიც