„ლეგოს“ ისტორია 1932 წელს დანიელი დურგლის – ოლე კირკ კრისტიანსენის ფაბრიკაში დაიწყო. თავდაპირველად ფაბრიკა ამზადებდა ტაბურეტებსა და ხის სათამაშოებს.
LEGO Group-მა პლასტმასის პირველი სათამაშოების წარმოება 1947 წელს დაიწყო. მოგვიანებით განხორციელდა LEGO-ს ფიგურების მოდერნიზაცია და დახვეწა, რის წყალობითაც შესაძლებელი გახდა რთული და ვირტუოზული კონსტრუქციების აწყობა. ასე დაიმკვიდრა თავი კომპანიამ, რომლის პროდუქციაც მოგვიანებით მთელმა მსოფლიომ შეიყვარა.