თბილისიდან ნიჩბისამდე დაახლოებით 1 საათის გზაა
თუ ფეხით წახვალთ, ქვემო ნიჩბისის გადასახვევიდან ადგილობრივების უმეტესობა გაგიყოლებთ სოფლამდე
ციხემდე მისასვლელად სოფლის ვიწრო გზა უნდა გაიაროთ
ადგილზე ასეთ უცნაურობასაც შეხვდებით. პირდაპირ ციხის კედელთან საცხოვრებელი სახლი დგას
ციხე-დარბაზი შემოსაზღვრულია, ჭიშკარი კი დახურული
ეზოს შიგნით აღმართულია კოშკი, რომელიც ყველა კედლიდან თანაბრად არის დაშორებული
კოშკის ერთ-ერთ სართულზე ბუხარია
სახურავზე ადის ქვის კიბეები, საიდანაც ციხის მთელი ტერიტორია ჩანს
აქ იყო ეკლესიაც და საცხოვრებელი ნაგებობებიც, თუმცა ისინი უკვე დანგრეულია
კარგად არის შემონახული მრგვალგუმბათიანი აბანო. აბანოში საკმაოდ რთული წყალმომარაგების და გათბობის სისტემებია. წყალი აბანოს კერამიკის მილებით მიეწოდებოდა
კომპლექსში ასევე შედიოდა ზაზა ფანასკერტელი-ციციშვილის აფთიაქი, რომელიც საქართველოში ცნობილი ექიმი იყო
აფთიაქი სწორედ ამ თაროებით სარგებლობდა
ციხის ტერიტორიისა და სოფლის დასანახად შესაძლებელია კედელზე ასვლა
თუმცა ის ძალიან მაღალია და იქიდან გადმოვარდნას ცუდი შედეგები შეიძლება მოჰყვეს
კედლიდან მოჩანს უცნაური შენობა, რომელიც ეკლესიას მოგაგონებთ, თუმცა ეს საცხოვრებელი სახლია პატარა გუმბათით
ციხის მახლობლად მდებარეობს წმინდა ნიკოლოზის ეკლესია, რომელიც XVI-XVII საუკუნეებით თარიღდება
ეკლესიას არ აქვს გუმბათი
ლეგენდის თანახმად, ეკლესიის არქიტექტორმა ვერ მოახერხა გუმბათის დასრულება, რადგან ის ბოროტი ჭორების გამო დაისაჯა და გარდაიცვალა
იქვე ბორცვზე განთავსებულია ერთ-ერთი უძველესი ეკლესია, რომელიც IV-V საუკუნეებში აიგო
შიგნით, ფანჯრის ჭრილში შემორჩენილია ხელნაწერი ფრაგმენტი
გზაში რამდენიმე სხვა ეკლესიასაც იხილავთ, რომლებიც ძირითადად მაღლობებზეა აგებული
ტურისტები აქ არცთუ ხშირად მოდიან, ამიტომ ადგილობრივები ყველა სტუმარს განსაკუთრებული სითბოთი ეგებებიან
ისინი სიამოვნებით დაგათვალიერებენ ნიჩბისს და გიამბობენ საინტერესო ამბებს სოფლის შესახებ
აქაურობის დათვალიერება მართლაც დიდი სიამოვნებაა